सिफारिस

भजनीमा MRED कार्यक्रमको प्रगति समीक्षा सम्पन्न

भजनी १०भदौ २०८३ , कैलालीको भजनी नगरपालिकामा आर्थिक विकासमार्फत जोखिम व्यवस्थापन कार्यक्रम (MRED) अन्तर्गत प्रगति समीक्षा कार्यक्रम सम्पन्न भएको छ। सेवक नेपाल र मर्सी कोर्सको साझेदारीमा सञ्चालित “Managing Risk through Economic Development Program (MRED)” अन्तर्गत भएका गतिविधि तथा कार्यक्रमको प्रगति समीक्षा गर्न कार्यक्रम आयोजना गरिएको हो। भजनी नगरपालिका नगर प्रमुख केवल चौधरीको अध्यक्षतामा सम्पन्न कार्यक्रममा परियोजनाबाट सञ्चालन गरिएका आर्थिक तथा जोखिम व्यवस्थापनसम्बन्धी गतिविधि, उपलब्धि र आगामी कार्ययोजनाका विषयमा छलफल तथा समीक्षा गरिएको थियो। कार्यक्रममा परियोजना सल्लाहकार समितिका सदस्यहरू, नगरपालिका प्रतिनिधि तथा सम्बन्धित सरोकारवालाहरूको उपस्थिति रहेको थियो। सहभागीहरूले कार्यक्रमबाट स्थानीय समुदायको आर्थिक अवस्था सुधारसँगै विपद् तथा जोखिम व्यवस्थापनमा पुर्‍याएको योगदानबारे धारणा राखेका थिए। कार्यक्रममार्फत हालसम्म भएका कामको समीक्षा गर्दै आगामी दिनमा कार्यक्रमलाई थप प्रभावकारी बनाउने तथा स्थानीय आवश्यकता र जोखिमलाई प्राथमिकतामा राखेर गतिविधि अघि बढाउने विषयमा समेत जोड दिइएको थियो। कार्यक्रम २०८३ साल भदौ १० गते (२६ अगस्ट २०२६) भजनी नगरपालिकाको सभा हलमा सम्पन्न भएको हो।

प्रतिक्रिया

सम्बन्धित समाचार
छुटाउनुभयो कि ?