सिफारिस

घोडाघोडीमा वन डढेलो नियन्त्रण तथा स्रोतसाधन व्यवस्थापनसम्बन्धी अभिमुखीकरण तालिम सम्पन्न ,

सुखड, कैलाली — नेपाल रेडक्रस सोसाइटीअन्तर्गत प्रकृतिमा आधारित समाधान (NbS) परियोजनाले वनमा हुने आगलागी (Forest Fire Incident) तथा स्रोतसाधनको लेखाजोखासम्बन्धी अभिमुखीकरण कार्यक्रम सञ्चालन गरेको छ। घोडाघोडी नगरपालिका–१ सुखडमा शुक्रबार आयोजित कार्यक्रममा वन डढेलोको जोखिम, आगलागीका घटना विवरण संकलन तथा अभिलेखीकरण, उपलब्ध स्रोतसाधनको पहिचान र विपद् व्यवस्थापनमा स्थानीयस्तरबाट गर्न सकिने कार्यबारे सहभागीलाई जानकारी दिइएको थियो। कार्यक्रममा वन डढेलोका घटना हुँदा आवश्यक स्रोतसाधनको प्रभावकारी परिचालन, स्वयंसेवक तथा सम्बन्धित सरोकारवालाबीच समन्वय र विपद् प्रतिकार्यलाई थप प्रभावकारी बनाउने विषयमा समेत छलफल गरिएको थियो। अभिमुखीकरणमा रेडक्रसका प्रतिनिधि, स्वयंसेवक तथा स्थानीय सरोकारवालाको सहभागिता रहेको थियो। सहभागीहरूले वन डढेलो नियन्त्रण तथा विपद् प्रतिकार्यका लागि स्थानीय तहमा उपलब्ध जनशक्ति, उपकरण र अन्य स्रोतसाधनको व्यवस्थित अभिलेख आवश्यक रहेको बताएका थिए। कार्यक्रमले वन डढेलोको जोखिम न्यूनीकरणसँगै विपद्का समयमा समुदायस्तरमा छिटो र प्रभावकारी प्रतिकार्य गर्न सहयोग पुग्ने अपेक्षा गरिएको छ।

प्रतिक्रिया

सम्बन्धित समाचार
छुटाउनुभयो कि ?