सिफारिस

भजनीमा पूर्वसूचना प्रणाली तथा पूर्वकार्यसम्बन्धी तीनदिने तालिम सम्पन्न

कैलाली — कैलालीको भजनी नगरपालिकामा समुदायमा आधारित पूर्वसूचना प्रणाली र पूर्वानुमानमा आधारित पूर्वकार्यसम्बन्धी तीनदिने तालिम सम्पन्न भएको छ। सेवक–नेपाल, कैलालीको आयोजनामा तथा मर्सी कोर्प्सको आर्थिक एवं प्राविधिक सहयोगमा तालिम सञ्चालन गरिएको हो। भजनी नगरपालिकामा २०८३ भदौ ११ गतेदेखि १३ गतेसम्म होटल डल्फिनमा सञ्चालन भएको तालिममा समुदायस्तरमा विपद् जोखिम न्यूनीकरण, पूर्वसूचना प्रणालीको प्रयोग तथा पूर्वानुमानका आधारमा समयमै आवश्यक पूर्वकार्य गर्ने विषयमा प्रशिक्षण दिइएको थियो। तालिममा एलटीआरसी (LTRC) का प्रेमलाल डगौरा र दिनेशचन्द्र जोशी तथा मौसम विज्ञान कार्यालयका अखिलेषप्रसाद चौरसियाले तीन दिनसम्म प्रशिक्षण दिएका थिए। तालिमको सहजीकरण सेवक–नेपालकी श्रीर्या बुढाले गर्नुभएको थियो। तालिमका क्रममा मौसम तथा सम्भावित विपद्सम्बन्धी सूचना समयमै प्राप्त गर्ने, त्यसलाई समुदायसम्म पुर्‍याउने तथा जोखिम आउनुअघि नै आवश्यक तयारी र पूर्वकार्य गर्ने विषयमा सहभागीलाई जानकारी तथा सीप प्रदान गरिएको थियो। विपद् आएपछि मात्रै उद्धार तथा राहतमा केन्द्रित हुनुभन्दा सम्भावित जोखिमको पूर्वानुमान गरी समयमै तयारी र आवश्यक कदम चाल्न सके विपद्बाट हुने क्षति न्यूनीकरण गर्न सकिने भएकाले समुदायमा आधारित पूर्वसूचना प्रणालीलाई प्रभावकारी बनाउन तालिम महत्वपूर्ण रहेको आयोजकले जनाएको छ। मर्सी कोर्सको आर्थिक तथा प्राविधिक सहयोगमा सेवक–नेपालले सञ्चालन गरेको उक्त तालिमले स्थानीयस्तरमा विपद् जोखिम व्यवस्थापन तथा पूर्वतयारीको क्षमता अभिवृद्धिमा सहयोग पुग्ने अपेक्षा गरिएको सेवक नेपालका सचिव तथा यस कार्यक्रमका सभा अध्यक्ष दल बहादुर ओलिले बताउनु भयो ।

प्रतिक्रिया

सम्बन्धित समाचार
छुटाउनुभयो कि ?