सिफारिस

प्रकृतिमा आधारित समाधान कार्यक्रमअन्तर्गत उप–जलाधारस्तरीय नागरिक सञ्जाल बैठक सम्पन्न

कालुराम चौधरी २०८३ /४ २४ गते कैलाली सुखड , प्रकृतिमा आधारित समाधान (Nature Based Solution–NbS) अन्तर्गतको ट्रिपल बेनिफिट कार्यक्रमअन्तर्गत कैलालीमा कन्द्रा कटैनी उप–जलाधारस्तरीय नागरिक सञ्जालको चौथो बैठक सम्पन्न भएको छ। २०८३ साल श्रावण २४ गते आइतबार घोडाघोडी, कैलालीमा आयोजित बैठकमा कन्द्रा कटैनी उप–जलाधारअन्तर्गत पर्ने पाँचवटै पालिकाका सदस्यहरूको संयुक्त सहभागिता रहेको थियो। बैठकमा उप–जलाधारको संरक्षण, वातावरण तथा विपद् व्यवस्थापनलगायत विभिन्न विषयमा छलफल गरिएको थियो। कार्यक्रमको सभापतित्व कन्द्रा कटैनी उप–जलाधारका अध्यक्ष लक्ष्मण चौधरीले गर्नुभएको थियो भने प्रमुख अतिथिका रूपमा CFCC का अध्यक्ष पुष्कल बहादुर बमको उपस्थिति रहेको थियो। त्यसैगरी विशिष्ट अतिथि CFCC गौरीगंगाका अध्यक्ष ओमप्रकाश सापकोटा, NbS Programme MD अम्मरमणि पौडेल, सहमति संस्थाका कोअर्डिनेटर शिव सुवेदी तथा NbS का फिल्ड म्यानेजर गौरी बुढाथोकी लगायतको सहभागिता रहेको थियो। बैठकमा प्रस्तुत गरिएको उप–जलाधारस्तरीय नेटवर्कसम्बन्धी प्रस्तावअनुसार हरेक तीन महिनामा बैठक बस्ने तथा बैठक बस्दा सम्बन्धित पालिकाअन्तर्गत रहेका विपद्, वन तथा वातावरण शाखाले आवश्यक समन्वय गरी आयोजना गर्ने विषयमा समेत छलफल भएको थियो। कार्यक्रममा कन्द्रा कटैनी उप–जलाधारसँग सम्बन्धित सरोकारवालाबीच नियमित समन्वय र सहकार्य गर्दै प्रकृतिमा आधारित समाधानमार्फत विपद् जोखिम न्यूनीकरण, वातावरण संरक्षण तथा स्थानीय समुदायको हितमा काम गर्ने विषयमा जोड दिइएको थियो।

प्रतिक्रिया

सम्बन्धित समाचार
छुटाउनुभयो कि ?