सिफारिस

घोडाघोडी – ७ मा वडा स्तरीय गुरही असरैना तथा सांस्कृतिक कार्यक्रम हुने

सुखड , कैलालीकोघोडाघोडी नगरपालिका वडा नं ७ मा हरेक वर्ष जस्तै यस वर्ष पनि थारु समुदायको पहिलो तिहार(टिहुवार)का रुपमा रहेका  वडा स्तरीय गुरही असरैना  तथा सांँस्कृतिक कार्यक्रम हुने भएको छ । “थारु भाषा ,सांस्कृति हमार पहिचान संरक्षण ,प्रबर्द्धन  कर्ना हमार अभियान ” भन्ने नाराका साथ हरेक वर्ष नाग पञ्चमीका दिन थारु समुदायले आफ्नो पहिलो तिहार (टिहुवार)का रुपमा मनाउने गुरही असरैना कार्यक्रम यस वर्ष संचालन हुने भएको छ । विगतका दिनहरुमा गुरही असरैना विषेश रुपमा हुने यो कार्यक्रम यस वर्ष भने नाग पञ्चमीलाई समेत विशेष रुपमा समेटिने भएको छ । कार्यक्रम भदौ  १ गतेका दिन हुने आयोजक संस्था चौधरी मिडिया हाउस प्रा.लि ले जानकारी दिएको छ । कार्यक्रममा स्थानिय कलकार तथा विभिन्न मनोरजनक का खेलहरुको प्रस्तुति रहने जनाइएको छ । घोडाघोडी - ७ मा हुने गुरही असरैना कार्यक्रमको माध्यमबाट वडा नं. ७ मा भएको विकासको प्रचार र आगामी दिनहरुमा वडा सरकारले गर्नु पर्ने विकासको बारेमा उक्त सांस्कृतिक कार्यक्रम मार्फत वडा सरकारलाई सचेतना गराउने उद्देश्य रहेको आयोजकले जनाएको छ । गुरही असरैना कार्यक्रम परापूर्व काल देखिनै विशेष गरि थारु समुदायले आफ्नो पहिलो तिहार (तिहुवार)का रुपमा मनाउने प्रचलन रहि आएको छ । कैलाली, कञ्चनपुर लगायत थारु समुदायको बसोवास रहेका स्थानमा भव्य रुपमा मनाउने प्रचलन रहि आएको छ । गुरही असरैना कार्यक्रममा थारु समुदायका परिकार र कला संस्कृति र मौलिकता झल्काउने भेषभुषाका नाच सहितको प्रदर्शन गरि विभिन्न थारु समुदायका खानाका परिकार समेत खाने प्रचलन रहिआएको छ । यस वर्षको उक्त कार्यक्रमा स्थानीय भेषभुषा झलकने कलाकारहरूको बेजोड प्रस्तुति रहने तथा तथा कोईली दिदी ,तांरा चिरवर ,डोरी तान्ने र स्लो बाईक यी खेलमा प्रथम हुने खेलाडीहरुलाई आकर्षक पुरस्कारको व्यवस्था रहने आयोजक तथा चौधरी मिडिया हाउसका प्रवन्ध निर्देशक कालुराम चौधरीले जनाए ।

प्रतिक्रिया

सम्बन्धित समाचार
छुटाउनुभयो कि ?